Փետրվար 24, 2010 - Միգրացիայի և ապաստանի ազգային ծրագրի նախագծի քննարկում

2010թ.-ի փետրվարի 23-ին Միգրացիոն պետական ծառայությունում տեղի ունեցավ Միգրացիայի  և ապաստանի խնդիրների  վերաբերյալ  ազգային  գործողությունների ծրագրի  հիմնադրույթների մշակման  աշխատանքային խմբի  նիստ:
Հանդիպմանը մասնակցում էին ՀՀ  արտաքին գործերի, աշխատանքի և սոցիալական հարցերի նախարարությունների, ՄԱԿ ՓԳՀ-ի. Միգրացիայի միջազգային կազմակերպության, Աշխատանքի միջազգային կազմակերպության, Մարդկային զարգացման միջազգային կենտրոնի, ՄԱԶԾ հայաստանյան գրասենյակի  ներկայացուցիչներ և փորձագետներ։
Հանդիպման ընթացքում աշխատանքային   խմբի  ղեկավար Գ. Եգանյանը ներկայացրեց  Միգրացիայի և ապաստանի խնդիրների վերաբերյալ ազգային գործողությունների ծրագրի մշակման  նախադրյալները,  փաստաթղթում  բարձրացվելիք հարցերը և հայեցակարգի      կառուցվածքը։ Փաստաթղթի կառուցվածքը ընդհանուր առմամբ հավանության արժանացավ աշխատանքային խմբի անդամների կողմից և այն ներկայացվելու է ՀՀ ազգային անվտանգության խորհրդի քարտուղարի աշխատակազմ։